رفضت إجهاض ابني رغم فتوى الأزهر ومراتي معرفتش.. “حازم إيهاب” يكشف أسرار لأول مرة

قام الفنان حازم إيهاب بالحديث عن ابنه “يونس” الذي توفي بعد 13 يوما من ولادته حيث قال في لقائه مع برنامج فايق ورايق وقال: “” مع إبراهيم فايق: “الحمد لله عمري ما دخلت في الحتة إن كاره اللي حصل أو متضايق من اللي حصل بالعكس، بعد 4 شهور جواز ومكنش في شغل مراتي كانت حامل، قلت الولد بيجي برزقة، الدنيا كانت كويسة لحد الشهر الخامس روحنا للدكتورة وشافت حاجة وهي مكنش عندها طريقة للتواصل صح قالت المعلومة بشكل مرعب قالت “إحنا محتاجين نعمل فحص إيكو للقلب”، سألتها ليه قالت “خير”، “منة” مراتي قلقلت ومامتها، وعملنا”.

تصريحات حازم إيهاب

وأضاف موضحًا: “أنا بقيت بطمن “منة” مراتي وأن الموضوع هيظبط، مكنتش عارف أواجهها وأقولها، دا غير أن هي كان ممكن تتعرض للخطر، كلمت حد من الأزهر وسألته أعمل إيه، قالي أن مسموح أن ننزل الطفل لكن لما بدأت اسأل لقيت أن في خطر على حياة “منة” مراتي فقلت لأ، وكان عندي مشكلة إني ابقى قاعد قعدة زي دي وأحكي وهو خلصان في الشهر الخامس ولا السادس، كان هيطاردني كابوس طب ما أنت متعرفش ما ربنا كان ممكن يحط فيه معجزة، ربنا قادر على كل شيء”.